فكك الحرس المدني فمليلية، ريزو اجرامي استغل قاصرين مغاربة فتهريب الحشيش بين المغرب وإسبانيا عبر الگرياج الحدودي ديال مليلية المحتلة.
وقالت يومية “إل موندو” الاسبانية، أن هذ القاصرين كانو مكلفين يجمعو الكوليات ديال الحشيش اللي كيتلاحو بين جانبي الكَرياج الحدودي.
التحقيق فهذ القضية بدا شهر أكتوبر 2021، بعد اعتقال قاصرين هاربين من مركز رعاية كانوا كيجمعو الحشيش.
وأضافت الجريدة الإسبانية، أن العملية عرفات اعتقال 24 شخص وحجز 275 كيلو ديال الحشيش وتقديم 9 ديال القاصرين قدام النيابة العامة المكلفة بالأحداث.
أغلبية الموقوفين عندهم سوابق جنائية ودابا غادي يتقدمو للعدالة من أجل جرائم الاتجار بالبشر والتنظيم الإجرامي وجرائم الاتجار بالمخدرات المستمرة.
