تعرض جواد الياميق لاعب المنتخب الوطني ونادي بلد الوليد الاسباني لاعتداء عنصري داخل بارگينك دارو، بعد ما لقاو رويضة طوموبيلتو مثقوبة ومكتوب عليها عبارة “Vete ya hdp” اللي متعني بالدارجة “سير بحالك اولد …”.
وحسب ما ذكره راديو ماركا بلد الوليد، اللاعب تأثر بشدة وخايف من تداعيات هاذ الاعتداء العنصري على الأسرة ديالو، ووضع القضية بسرعة في يد الشرطة الوطنية، لي بدات التحقيقات ديالها بالفعل في الوقائع لمحاولة العثور على الجناة، فيما أصدر ناديه بلد الوليد بيان رسمي باش يدعمو نفسيا ويندد بهاذ السلوك المرفوض.
هاذ الاعتدء جا أيام قليلة على نهاية “الميركاتو” ومستقبل اللاعب مع فرقتو الاسبانية باقي مجهول واخا لعب آخر 25 دقيقة ف الماتش الاخير، وانتقالو إلى نادي بوردو الفرنسي تعكس بسباب قيمة العرض ديالو لي وصلات جوج مليون اورو ولي رفضها النادي.
