كتكمي وتشرب وكتعاني مع الغلض.. انتقادات لوزيرة الصحة الجديدة فبريطانيا

تكتب نهار 9 سبتمبر، 2022 مع 22:00 عيون سكوب تابعونا على Scoop

التعيين ديال تيريز كوفي في منصب وزيرة الصحة في بريطانيا دار البوز بسباب الوزن ديالها الزائد بالاضافة لانتشار تصاور قدام ليها وهي كتكمي وكتشرب.

الوزيرة الجديدة على حساب ما نشر جورنال The Daily Telegraph البريطاني علقات على الهضرة لي خرجات من بعد التعيين ديالها وقالت: ندير لي بغيت أنا ماشي قدوة.

الوزيرة قالت أنها عندها خبرة كبيرة في مجال الصحة، وهادشي غادي توضفو باش تعاون بلادها وتخدم القطاع الصحي، وقالت أنها من نهار عرفات راسها غادي تولي وزيرة عرفات هاد الانتقادات غادي تجيها بسبب شكلها.

وماشي غير بسبب الشكل، كوفي تعرضات للانتقادات بسبب أنها عارضات من قبل الحق ديال المرا في الاجهاض وصوتات ضدو في البرلمان في أيام كورونا، ودابة بعد التعيين ديالها قالت أنها كاثوليكية وكانت منطلقة من قناعة دينية.

Image