جلالة الملك محمد السادس ملك حكيم وديبلوماسي وأكثر من ذلك عندو الكبدة على شعبو وشعوب المنطقة اللي خاوة وخوت وخوات، حسب لهجات المنطقة، لكن كاين الأصل والامتداد الجغرافي والتاريخي والسياسي، ورفاق السلاح فالمقاومة والمغاربة ساندو خوتهم الجزائريين بالغالي والنفيس بين “لانجيري” و”المروك” خط واحد، حتى دخلات هاذ السوسة اللي سميتها الانفصال.
ولهذا جلالة الملك وبحكم أنو ملك عظيم وسليل أسرة ملوك حريصة على استقرار المنطقة مد يدو لخوتنا فالجزائر، وقال ليهم باللي الماضي مسؤولين عليهم ناس ماتوا الله يرحمهم، علاش حنا منتوجهوش للمستقبل اللي هو أهم شيء لمنطقتنا وإقليمنا، ومن العار فهاذ الوقت تكون باقية الحدود مسدودة بينا وبين الجزائر.
فاش قال سيدنا الله ينصرو باللي المغرب والجزائر خوت غير فرقات بيناتهم السوسة فهو كيقصد باللي راه حنا امتداد واحد ومشاركين الحلوة والحارة وعندنا تاريخ مشترك، وما ينفعنا حد سوى نتافقوا مع بعضياتنا.
