كاينين شي مناضلين كلشي عندهم محسوم وعندو اجوبة كاملة بلا حاجة لطرح اسئلة و بلا بحث عن المعطيات الحقيقية المؤكدة، وبلا تريث لإنضاج موقف مبني على أسس. فيهم الطيارة الله يستر. و زيادة على هذا، والزيادة من راس اللي بعقلو، مستعدين يتهمو اي راي مختلف معهم بتهمهم الجاهزة دائما ، المخزن ، بايع الماتش، …بلا ما يعارفو واش بنادم اللي كيهضرو عليه عندو بعدا ما يبيع، واشنو غادي يبيع،
هذا النوع اللي كيعتبر راسو كيطير مع اطيور ومن راسو ما كتطلع وموجد للعيب شفنا منو شلا و شفنا اللي وخروها توخيرة بلا كرامة و بلا مبدا وبلا اخلاق، و شفنا اللي باقي كاع ما هضرو معاه في المعتقلات وولى جفاف، و شفنا وشفنا، و ما كيشد غير الصح اما الخشاش دغيا كتجي الريح و كتشتت ليه العرام. باش تكون بنفسك وباخلاق وبمبادئ و لاجيال خصك …النحاس. اللي دماغو فيه الخبز كتاثر عليه العجينة و كيولي مخو معجن، خصوصا اذا كان يغطي على الجهل بمقولة اقراها او سمعها و ما قادرش يفهم علاش تقالت و فاش من سياق ….
عاد كاينة واحد اللعيبة اديال دوك اصحاب ماسك الجدريين اللي كيصدقو غير بياعة اديال هنا ولا اديال شي تيرا اخرى، يعني خدامين سرابسية او خونة
احاول ان اترفع، لكن بعض التافهين ما كيخليوكش، وكايجيب ليهم الله غير هما اللي كا يعرفو يخسرو الهضرة و يضربو و توقيتهم عندي ليه تفسير موضوعي غادي تجي الوقت ليه، لانني احب ان ابدا بطرح الاسئلة.
