بوريطة دار قمعة خاااايبة للمستشار البرلماني ديال البيجيدي عبد الإلاه الحلوطي في جلسة لجنة الشؤون الخارجية لمجلس المستشارين..
الجلسة كانت مخصصة لقضية ترسيم الحدود البحرية المملكة.. لكن الحلوطي بغا يدير فيها عاليم فالسياسات الدولية.. و قال لبوريطة بلي سمعنا شي جريدة ميريكانية قالت بلي المغرب كيدير شي مفاوضات مع ميريكان باش تعترف هاد الاخيرة بمغربية الصحراء مقابل تطبيع العلاقة مع دولة اسرائيل.. بوريطة جاوبو بلي حنا ما جيناش هنا ناقشوا كلام الجرائد و جينا اصلا ناقشوا موضوع محدد لي هو ترسيم حدود بلادنا.. و ما خاصناش نكونوا فلسطينيين أكثر من الفلسطينيين أنفسهم..!!
تقول المصادر أن الحلوطي بقا يدور عينيه و يقول في قرقارة نفسه ” هاااك آفمي ”
و توما شوفوا دابا لهاد الباجدة لي طحنو شعبهم و قالك بقاو فيهم الفلسطينيين.. مع العلم أن سي الحلوطي لي هو الرئيس ديال نقابة الباجدة نهار بغات الحكومة تطحن الموظفين فملف التقاعد حتى برلماني ما تجرأ يترأس الجلسة لي تم فيها التصويت و ناض الحلوطي قالهوم أنا نترأسها بلا حيا بلا حشمة..!!
