ماشي ساهل تعتاقل “ذئب” إرهابي، لأنو كيكون معزول وما عندو علاقة بالإرهابيين والمتطرفين اللي موجودين في بلايص أخرى.
لهذا العملية اللي قام بها البسيج التابع للديتسي اليوم تعتبر نوعية. القضية صعيبة بزاف لأن إرهابي مكيتلاقى حد مكيشوف حد معتمد فقط على الأنترنيت فين غادي تلقاه.
كان مسخوط الوالدين كيستعد باش ينفذ شي عمل تخريبي في هاذ البلد السعيد. لكن رجال الله سبقوه وقرقبو عليه بسرعة كيفما هو معهود فيهم.
“الذئب” الارهابي كان كيقوم بالدعاية عبر اليوتوب والفيسبوك وتويتر لصالح تنظيم داعش. كان كيحرض على تنفيذ أعمال إرهابية. وأكثر من ذلك راه كان كيعلمهم كيفاش يصنعو القنبول.
المهم راه العملية نوعية والله تعالى نجانا بفضل البسيج وكل الأعين اللي كتبات سهرانة باش نعسو مرتاحين.
