- Advertisement -

- Advertisement -

رونالدو أول لاعب فتاريخ كرة القدم وصل لـ 800 هدف

رسميا ولى نجم الكرة البرتغالي، كريستيانو رونالدو، أول لاعب فتاريخ كرة القدم كيوصل لـ800 هدف فالكاريير ديالو، بعدما ماركا جوج بيوت فالماتش ديال فرقتو مانشستر يونايتد مع أرسنال، الخميس 2 ديسمبر 2021، برسم الدورة 14 من الشامپيونا دالنكَليز، واللي سالا (الماتش) بـ3 لـ 2 لصالح صحاب رونالدو.

ووصل مجموع أهداف اللاعب البرتغالي فالفترتين اللي دوزهم مع “الشياطين الحمر” لـ130، وكان قبل ماركا 5 أهداف لسبورتينكَ لشبونة فبدايتو الاحترافية، و450 هدف لريال مدريد، و101 لجوفنتوس، و115 لمنتخب البرتغال.

وبالأرقام كيبقى كريستيانو رونالدو هو الهداف التاريخي ديال المنتخبات، والتشامبيونز ليكَ الأوروبية و ريال مدريد.

- Advertisement -

وقال الهداف التاريخي للبريميرليكَ، اللاعب الإنكَليزي السابق آلان شيرر، فشهادة مصورة دازت فـ پلاتفورم “أمازون پرايم”: “خاص الواحد يكَلس و يتمتع باللعب ديال كريستيانو و يتعجب، ويحييه على هاد الپيرفورمونس…”.

اترك رد

لن يتم نشر عنوان بريدك الإلكتروني.