طانطان.. العافية شعلات فباطو ديال صيد السردين فميناء الوطية

اندلعت النيران صباح اليوم الاثنين 6 ماي الجاري، فمركب ديال الصيد فميناء طانطان- الوطية.

وحسب مصادر محلية، فالعافية شعلات على الساعة الرابعة فجرا بشكل جزئي فالغرفة ديال المحرك ديال مركب ديال الصيد الساحلي صنف السردين سميتو “أتلنتيك” كان واقف فالميناء، الشي اللي خلى حالة ديال الذعر تسود فأوساط البحارة الحاضرين خوفا من امتداد العافية لباقي المراكب اللي واقفة حداه.

ويرجح أن سبب الحريق يعود لشي تماس كهربائي، علما بأن البحارة الحاضرين قدموا المساعدة لطاقم المركب، قبل إخطار عناصر الوقاية المدنية والجهات المينائية المختصة، واللي جاو على وجه السرعة وتمكنوا من إخماد الحريق.

ولم يخلف الحريق خسائر بشرية، بينما أسفر عن خسائر مادية كبيرة فالغرفة ديال المحرك ديال مركب الصيد، فالوقت اللي باشرت السلطات المختصة تحقيقاتها للوقوف على الأسباب.