خرج الناخب الوطني وليد الركراكي كاعي بعد ماتش موريتانيا الودي، اللي ما قدرش يربح فيه المنتخب المغربي، وأكد أن ليكيب ناسيونال ما كانوش فمستواهم.
وتكلم الناخب الوطني وليد الركراكي بعد ماتش المغرب وموريتانيا الودي اللي سالا زيرو لزيزو وقال: “ما فرحانينش خصوصا فالشوط الأول لعبنا فيه بريتم ناقص ومشينا معهم فالريتم اللي كانوا باغيين ويمكن الدراري ترخاو فالشوط الثاني”.
وأضاف وليد الركراكي: “داكشي علاش درت بزاف ديال التغييرات ودخلنا ليجون هذا الشي مزيان باش يعرفوا ملي غنلعبو فتيرانا المنتخبات غيرجعو للوراء وخاصنا نلقاو الحلول ونقتلو الماتش بالفرص اللي كيجيونا، اليوم ضد منتخب موريتانيا ما لعبناش بالمستوى ديالنا باش نقولو الصراحة”.
