المغرب سيطر على أحسن تشكيلة فمجموعات كأس إفريقيا

سيطر المغرب على أحسن تشكيلة فدور مجموعات كوب دافريك 2023، اللي منظماها الكوت الديفوار، وخدا العدد الأكبر من البوسطات.

وكشف الاتحاد الإفريقي لكرة القدم على التشكيلة المثالية ديال مجموعات كوب دافريك، بعدما سالات هاد المرحلة اللي فيها 3 جولات البارح الأربعاء، وكتعرف التشكيلة تواجد 4 لاعبين مغاربة من أصل 11 لاعب.

وكيتعلق الأمر بكل من المدافع نايف أكرد، والظهير الأيمن أشرف حكيمي، والگلادياتور سفيان أمرابط، والنحلة عز الدين أوناحي، وتألق هاد الرباعي بشكل واضح وساهم فتحقيق المغرب لفوزين وتعادل فالمجموعات وتصدر المجموعة 6 بـ 7 نقاط.