أكد الدولي المغربي ياسين بونو حارس مرمى المنتخب المغربي أن الاستعدادات فمعسكر ليكيب ناسيونال قبل كوب دافريك كتدوز مزيان، ووجه ميساج للجماهير المغربية باش تمشي للكوت ديفوار تشجع المنتخب لتحقيق إنجاز جديد.
وتحدث ياسين بونو فتصريح للموقع الرسمي ديال الجامعة الملكية المغربية لكرة القدم وقال: “الاستعدادات مزيانة، الدراري مزيانين والكروب مزيان وكاع الأجواء فالمعسكر زوينة وغاديين شوية بشوية باش نوصلو للماتش الأول فكوب دافريك باش نكونو فالمستوى”.
وبخصوص الهدف فكوب دافريك قال بونو: “هادي هي الحياة مشى تحدي وجا تحدي آخر، دابا كاينين دراري جداد وغنمشيو بنفس العقلية ديال ديما، وكنشكر الجماهير المغربية اللي ديما كيساندونا وكنتمناو يكونو حاضرين معنا فالكوت ديفوار باش نديرو شي حاجة زوينة أونسومبل”.
