جريمة جديدة كتهز مصر، والبطل ديالها مول فرماسيان متهم باغتصاب العيالات والدراري الصغار كليان ديالو.
هاد الصيدلي، لي عندو محل فمدينة نصر في العاصمة القاهرة، كيختار من الكليان ديالو العيالات والبنات والدراري الصغار لي غادي يتعدى عليهم، وكيدير ليهم شي بيكورا كتنعسهم ومن بعد كيعتادي عليهم.
المشكل ماشي غير هنا، المصيبة هي أنه كيصورهوم كاملين بكاميرات المراقبة ديالو، وكيصيفطهم ليهم باش يخافو وميفضحوهش.
ولكن الفضيحة جاتو من أقرب الناس ليه، لي هي مراتو لي ولات دابا طليقتو، لأنها هي لي مشات عند البوليس وفضحاتو، بعدما شافت دوك الفيديوهات فالتليفون ديالو والبيسي ديالو حتى هو.
ودابا المتهم معروض على النيابة العامة، ومهدد بالمؤبد.
