تعرض اللاعب المغربي سفيان كيين المحترف بالبطولة البلجيكية يوم أمس الخميس 30 مارس، لحادث سير خطير والحياة ديالو فخطر، من بعدما تقلبت به السيارة بواحد الفيراج.
وحسب موقع “Dhnet” البلجيكي، كان سفيان كيين غادي في اتجاه مدينة لييج ببلجيكا، وتقلبات بيه السيارة اللي كانت غاديا بسرعة كبيرة في واحد الفيراج حدا مدينة فليمال وتلاحت حتى دخلت فواحد لاصال ديال السبور.
نفس المصدر، قال أن اللاعب سفيان كيين اللي سبق له لعب مع المنتخب المغربي الاولمبي واللي كيلعب دابا مع فريق أوهايو لوفان، تم النقل ديالو إلى المستشفى وحسب شهود عيان فالسيارة كانت غاديا بسرعة كتوصل 200 كلم في الساعة، والفيراج اللي تقلبت فيه محدودة السرعة المسموح بها فيه في 90 كلم بالساعة.
وكمل الموقع البلجيكي وأكد أن سفيان كيين هو المصاب الوحيد في هذا الحادث، بالرغم من أن لاصال ديال السبور اللي دخلت فيه السيارة كانوا فيه شي أولاد كتدربو، الوقاية المدينة ديال لييج خرجو سفيان كيين وداوه للمستشفى وعندو كسور.
