السوق ما بقاتش آمنة. يمكن تشري سلعة عندها تاريخ جديد وهي قديمة وبيريمي وتقدر تصيفطك للسبيطار. الجامعة المغربية لحقوق المستهلك، قالت باللي كاين منتوجات عندها علامة تجارية مزورة، وكتعرض في السوق المغربية والمحلات التجارية. هاذ المنتوجات إما عندها تاريخ صلاحية مزور إما فيها مواد قاتلة.
هاذ الظاهرة كثرات بزاف وصحة المواطن اليوم في خطر، وذلك بسباب غياب مراقبة الغش.
المشكل هو أن الأونسا تراقب غالبا تاريخ الصلاحية لكن مكتراقبش المواد المستعملة في صناعة المنتوج. وكاين عملية احتيال أخرى هي تغيير السمية وبيع المنتوج بثمن مرتفع مع العلم أنو بحالو بحال اللي في السوق.
وكاين تزوير كبير للعلامات التجارية. المؤسسات المكلفة بالمراقبة مكتدخلش إلى ما كانتش شكاية. تمشي تشري سلعة بجودة معروفة لكن تطيح في المزيفة.
