الميلودي موخاريق، الباطرون الكبير ديال الاتحاد المغربي للشغل، قال باللي قانون المالية 2020 جا خاضع بالمطلق لإملاءات صندوق النقد الدولي. وبالتالي فإن الفقراء كحلوها هاذ العام. والفوارق غادية تزداد بلا قياس. النقابة ديال موخاريق قررت تجعل الشهر الجاي كلو احتجاج على حكومة العثماني. غادية تدير إضرابات ووقفات واعتصامات.
وبلغة ديال اليسار القديم قالت باللي راها رافضة “السياسات والتوجهات الحكومية النيوليبرالية، المفروضة على حكومة العثماني من قبل المؤسسات المالية الدولية،كالبنك الدولي وصندوق النقد الدولي ومؤسسات مالية مانحة، والتي تحكمت في قانون المالية 2020”.
النقابة قالت باللي القانون غادي يعاود نفس الأزمات: ضعف النمو، المزيد من الفقر والهشاشة، ضرب القدرة الشرائية وزيد وزيد.