مبروك عليهم..شباب الخدمة العسكرية غادي يزيدوهم في الخلصة

الدراري والدريات لي مشاو للخدمة العسكرية حتى هما غادي يشملهم قرار الزيادة في الرواتب لي سنها القانون على جميع أصناف الرتب العسكرية.

مكاينش الاستثناء وكلشي بحال بحال، الخلصة ديال صغار الجنود تزادت بحال الموظفين المدنيين، لا فالزيادة اللي كانت ف 2011 أو الزيادة فالخلاص والتعويضات العائلية فهذ السنة اللي تمت على ثلاثة ديال المراحل الأولى في يوليوز 2019 والثانية غتكون فيناير 2020 والثالثة يناير 2021.

الزيادة غيكون عندها أثر إيجابي على العساكرية الصغار، حيت غتكون متساوية بين الضباط او ضباط الصف أو الجنود .

ومع هذ الزيادة فالخلاص خاص يتجدد التأكيد على الرغبة فالخدمة المتواصلة اللي تيقوم بها قطاع الدفاع الوطني، تنفيذا لتعليمات سيدنا الله ينصرو باش يحسن من الوضعية المادية والإجتماعية ديال القوات المسلحة الملكية.