شرذمة البوليساريو علنات أنها شدات حق الله على وفاة الكايد صالح، وصدرات واحد البيان غريب من بير لحلو، اللي هو غير سمية لأن قيادة المرتزقة كتعيش فالجزائر العاصمة ومدن أخرى وحتى إسبانيا، والبيان راه مكتوب فالجزائر، وقالوا باللي راهم دارو الحداد على الكايد صالح.
الأمر غير مفهوم. كان ممكن يديرو تعزية نقولو ما كاين باس دارو الصواب. لكن يديرو الحداد، هذا معناه أن الميت كيمثل ليهم شي حاجة كبيرة فقدوها. وفعلا راه كان مهم بالنسبة ليهم، لأنه كان كيرعاهم ديما. وكان هو العرّاب ديالهم واللي كيدافع عنهم.
سبحان الله، الموت فضحات المرتزقة. كانت الجزائر ديما تقول باللي راه ما عندها علاقة بالموضوع. واخة راه كلشي عارف باللي هي صنعات هاذ الشرذمة ديال المرتزقة. ولكن اليوم راهم فضحو بعضياتهم. الحداد كيكون على شي واحد مهم ولهذا راه البوليساريو علنات حق الله بحال شي ولية فقدات زوجها.
