مدينة القنيطرة و اللي عدد السكان وصل فيها ل 900 ألف نسمة، فيها شركة نقل عمومي وحدة هي شركة الكرامة.
المجلس البلدي ديال القنيطرة اللي شادّو بالكامل تقريبا حزب العدالة و التنمية الإسلامي سنا سنة 2011 مع الملياردير إبراهيم الجماني مالك مجموعة شركات الجماني عقد إحتكاري لمدّة 15 سنة لتزويد المدينة بأسطول ديال الطوبيسات.
الجمّاني حطّ فهاد المارشي 54 مليار سنتيم باش يجيب للقنيطريين أخر ما كاين فالطوبيسات (نموذج فالصورة أسفله)
بعد ثمان سنوات، شركة الكرامة جمعات ما تبقّى من الطوبيسات دياولها و شراتو فحالها البارح فجنح الظلام و فسخات العقد ديالها مع المجلس البلدي اللّي كيرأسوا عزيز الرباح وزير الطاقة الحالي فالحكومة المغربية.
اليوم ألاف الشباب، الطلبة، الأجراء و اللّي ما فحالهومش ما غا يلقاوش باش يمشيو لمدارسهم و لكلّياتهوم و لأماكن طرف د الخبز ديالهوم، في إستهتار تام بمصالح المواطنين وخصوصا الوليدات اللّي عندهم إمتحانات اليوم.
المواطن القنيطري المقهور ديجا بسبب الفقر و البطالة اللي كتعرفها المدينة، كانت كتجيه ديك سبعين ريال بزاف و صابر، و الأن ما عندو تا شي حلّ من غير الطاكسيات و اللي الكونطور ديالهوم مع الطلعة كيبدا ب 7 دراهم.
كنتأسف لولاد مدينتي لهاد الحكرة اللّي عايشين فيها.
