اليوم سد البرلمان الفراغ التشريعي للمجال البحري للمغرب في الصحراء المغربية، وصادقت لجنة الخارجية والدفاع الوطني والشؤون الإسلامية والمغاربة المقيمين في الخارج بمجلس النواب، البارح، بالإجماع، على مشروعي قانونين اللي متعلقين ببسط الولاية القانونية للممكلة على كافة مجالاتها البحرية.
كان خاص هاذ القانونين يخرجو للوجود لأنهم كيحددو حدود المياه الإقليمية للمغرب، وقال بوريطة، وزير الخارجية، باللي هاذ القانون عندو خلفيات سياسية واقتصادية اللي العمق ديالها هو صيانة المصالح العليا ديال بلادنا. الوزير ما نساش يقول باللي هذا راه خيار استراتيجي وسيادي ومتعلق بحقوق المغرب المشروعة وعندو مرتكزات قانونية. وجلالة الملك في الديبلوماسية كيبغي الوضوح.
بوريطة قال باللي جلالة الملك وضّح في خطاب المسيرة باللي راه خارطة المغرب تبدلات وأكادير راه ما بقاتش هي الجنوب. ونبّه الوزير إلى أن هاذ الخطاب ديال سيدنا استنهض الحكومة باش تملأ الفراغ التشريعي.
