عبر الناخب الوطني وليد الركراكي على الفرحة ديالو بعد ما المنتخب المغربي ربح منتخب الكونكو بـ6 لزيرو ضمن الجولة 4 من إقصائياء
مونديال 2026، وأكد الركراكي فنفس الوقت أنه مازال ما دارو والو.
وبعدما ربح المنتخب المغربي منتخب الكونكو قال الناخب الوطني وليد الركراكي فتصريح له. “أنا فرحان والمهم اليوم هو الرباح و6
النقاط اللي خدينا فشهر يونيو واخا اللعب فتيرانا سهل علينا هداشي”.
وكمل الركراكي “شكرا للاعبين حيث الموسم كان صعيب عليهم، وواخا عيانين جاو وجدو باش نوصلو للهدف ديالنا وهو 9 النقاط على 9، ومازال ونكونو حنا الأولين فالكالاسمون ومبروك عليهم وشكرا لجمهور أكادير”
وأضاف الركراكي: “مازال خاصنا الوقت واليوم واخا ربحنا ب6 راه مازال ما درنا والو، وكيفما ملي كنا كنربحو غير بواحد ما كنتش خايف
حتى دابا ملي ريحنا ب6 ما غانقولش صافي وصلنا، راه مازال خاص الخدمة والوقت”.
وزاد الركراكي: “التوازن ما بين اللاعبين اللي ديجا كاينين فالمنتخب واللي جايين هذا التحول ماشي ساهل، خصوصا من بعد كأس أفريقيا ودابا فآخر الموسم.ولكن المنافسة كتعاون بعدا”.
