حكم على شيفور رموك كيحمل الجنسية المغربية بالسجن لمدة 5 سنين نافذة، بالإضافة إلى غرامة قدرها 7.7 مليون يورو (8 ملايير سنتيم مغربية)، بعد ما حصل مهرب 770 كيلوگرام من الحشيش فرموك.
وتم اعتقال المعني بالأمر، بعد ما فتشات الديوانة الرموك ديالو، ليلة 21 أبريل 2024، حدا معبر لو بيرثوس الحدودي فجبال البيرينيهـ، ولقاو عبوات ديال الحشيش مخبية مزيان وكتقدر القيمة السوقية ديالها فالمارشي بنحو 7.7 مليون يورو.
وحسب مواقع إخبارية، فقد تم إلقاء القبض على الشيفور المغربي وتسلم للشرطة القضائية بربينيان وتحكم عليه، الأربعاء الفايتة، وتعتبر الغرامة اللي تحكم بها هي الأكبر على الإطلاق ففرنسا فجرائم تهريب المخدرات. وبلغات الغرامة القياسية السابقة 6.1 مليون يورو ف 2019 ضد هولندي.
