نفى مارسيلينو مدرب أولمبيك مارسيليا الفرنسي يكون عندو شي مشكل مع النجم المغربي عز الدين أوناحي، وأن هذا السبب هو اللي يكون مخليه ما يلعبوش فالماتشات ديال الفريق.
مدرب مارسيليا هضر بعد التعادل مع تولوز زيرو لزيرو فالبطولة الفرنسية، وقال على عز الدين أوناحي: “ما عندي معه حتى مشكل، هذا الشي اختيارات وصافي، وكنحط فالتيران اللاعبين اللي قادرين يتنافسون وكيدربو مزيان”.
وكمل مدرب الفريق الفرنسي وقال: “عز الدين أوناحي لاعب ديالنا وغنعتمدو عليه، وديجا دخلناه لعب وكان مزيان، ولكن هادو اختيارات خاصني نديرها، وهو خاصو يزيد يكمل ويخدم كثر فالتداريب باش يقنعنا نعتامدو عليه”.
