نبيل الشعيبي صاحب سلسلة ’’حموشيات‘‘ اللي كان تشد من طرف الأمن الإماراتي غادي يجيبوه البوليس المغربي فهاد الأيام، وكيساينو غير تتسالا شي محاكمة ديالو أمام القضاء فالإمارات.
الشعيبي كان موضوع بزاف ديال الشكايات تقدمو بيها ضحاياه أمام القضاء الإماراتي بين السعودية وتركيا والمغرب.
وحسب مصادر إعلامية، كيتنتظر أن يتم نقل الشعيبي للتراب الوطني للبحث معاه فعدد من الشكايات المعروضة على القضاء.
السيد مغرقها مزيان، كما يشكل موضوع مذكرات بحث دولية من دول بريطانيا وتركيا نيوزيلندا والمغرب.
الشعيبي متورط فجرائم ثقيلة بحال تكوين عصابة إجرامية والاتجار في البشر والدعارة وتبييض الاموال، التجارة في البيتكوين المزيف، بالإضافة إلى إصدار شيكات بدون رصيد والتهريب الدولي والنصب على عدد من المؤسسات الائتمانية، من بينها شركات التأمين على البضائع والسلع والتزوير الجمركي والتزوير في محررات رسمية والتشهير والمس بالمؤسسات والأفراد بغرض الابتزاز.
وكانت المديرية العامة للأمن الوطني قد أصدرت إبان 2019 مذكرة بحث دولية في حق نبيل الشعيبي صاحب فيديوات حموشيات والتي بعد أن اطلعت عليها الجهات المختصة أكدت أنها مجرد ادعاءات كيدية هدفها التشهير بموظفين امنيين وخواص وابتزازهم لفائدة خصومهم ومنافسيهم.
لونكيط مع الشعيبي مني غادي يجيبوه للمغرب تقدر تطيح مساعدين مفترضين ليه كان كيتواصل معاهم بهدف ابتزاز موظفين عموميين لفائدة خصومهم.
الشعيبي مني قرقبو عليه فالإمارات العربية المتحدة لقاو عندو بزاف ديال الوثائق وبورطابلات وغيرها من المحجوزات اللي تبين بعد تفريغها أنه كان يرتكب جرائمه بمساعدة مغاربة وأتراك وسعوديين عندهم علاقة بمؤسسات بنكية والفاكتورينغ وشركات عمومية مغربية رائدة ومقاولات تجارية.
