الجزائر مرة مرة كتفضح راسها. مرة تقول باللي ما عندها علاقة بالنزاع المفتعل حول الصحراء المغربية، ومرة تقول ليك أن فتح قنصلية ديال حكومة جزر القمر بمدينة العيون راه “إجراء خطير بزاف” وراه انتهاك للقانون الدولي. هاذ الشي اللي جا في بيان لوزارة الخارجية ديالهم البارح.
هاذ الكلام ما قالتوش حتى الأمم المتحدة. ياك الجزائر محايدة، كيفما كتقول، شنو حشا كرموستها فالشريط.
قال ليك الجزائر تفاجأت بهاذ القرار. ولكن سبحان الله ما تفاجآتش من اللي المغرب صرف الملايير على المشاريع التنموية.
الجزائر قالت باللي هاذ القرار انتهاك خارق لمعايير القانون الدولي. ولكن الجزائر ما قالتش باللي انتهاك المعايير الدولية كيتجسد في احتضان منظمة إرهابية وتزويدها بالسلاح وتدريبها لضرب بلد جار اللي هو المغرب.
ولهذا الجزاير غادي تحماق ويخرج ليها لعقل بسبب فتح قنصلية جزر القمر في العيون، وراها هي اللي خرقات معايير القانون الدولي بالتدخل في علاقة بين جوج البلدان.
