اسبانيا.. اعتقال مغربي ضمن شبكة إجرامية تنشط فبيع الطوموبيلات المسروقة فالمغرب

فكك الحرس المدني الإسباني، مؤخرا، شبكة إجرامية كتنشط فبيع الطوموبيلات دولوكس المسروقة فالمغرب.

وحسب تقارير إخبارية، فمن بين المتهمين المتورطين في هذه العصابة الاجرامية، كوايري مغربي عندو 30 عام، هاذ الساعة بلا فرقة ولعب العام الفايت مع نادي فدوري إمارة لوكمسبورغ.

اللاعب المغربي الدور ديالو فالشبكة هو القيام باتصالات هاتفية لتنسيق عمليات البيع النهائية.

الحرس المدني تمكن باش يرجع 2 طوموبيلات تسرقو فالطاليان وبولونيا وتوصل لمعلومات على 3 ديال الطوموبيلات تسرقو من دول أوروبية، وثم بيعها في المغرب بعد إعادة تسجيلها في إسبانيا.

هاد العملية سالات باعتقال 3 رجال و3 العيالات  تتراوح أعمارهن بين 21 و 35 عام في بلدية موتكساميل. الشاف ديال الشبكة مغربي الجنسية، وتم التحري على المتورطين، بسبب التفطاح ديالهم وكثرة الفلوس اللي بانت عليهم على غفلة..