تمكنت الشرطة الإسابنية بعد مطاردة طويلةف منطقة ملگة، من اعتقال فرنسيين دوخو البوليس باش يهربوا الحشيش فطوموبيلات وفارگونيط، وفالأخير تشدو متلبسين بحيازة 700 كيلوگرام ديال الحشيش.
وحسب تقارير إخبارية، فإن ضباط الشرطة الوطنية شدو المتهمين على مستوى الأوطوروت بين الجزيرة الخضراء وملگة.
وتم تفكيك هاذ الريزو بعد التوصل بمعلومات فغشت الفايت حول عملية مفترضة لفرنسيين كيخططو باش ينقلو الحشيش المهرب من المغرب فاتجاه فرنسا انطلاقا من منطقة توريمولينوس.
وتضيف نفس التقارير، أن الفرنسيين جاو بالفعل للمنطقة وتبين بعد البوانتاج ديالهم ارتباطهم بشبكات إجرامية متخصصة فتهريب الحشيش. المتهمين تشدو فكمين أمني وحاولوا يهربوا لكن تشدو فطريق مقطوعة بالقرب من سان بيدرو ألكانتارا.
وحسب السلطات الفرنسية، الموقوفين عندهم سجلات جنائية متعلقة بالسرقة والحيازة غير القانونية للأسلحة وتهريب المخدرات..
