اللجنة الإقليمية للتنمية الاقتصادية فمدينة الحسيمة صادقت على 54 مشروع بغلاف مالي ديال 10 د المليون و263 ألف درهم.
من بين هاذ المشاريع كاينة 45 مشروع اللي كتهم دعم ريادة الأعمال عند الشباب و 9 ديال المشاريع كتهم دعم الاقتصاد الاجتماعي والتضامني.
فالمحور الأول، اللي هو دعم ريادة الأعمال لدى الشباب، مجال الخدمات حاضر ب 34 مشروع، والصناعة التقليدية ب 7 ديال المشاريع، والفلاحة بجوج ديال المشاريع والتجارة كذلك بجوج ديال المشاريع.
أما فالمحور الثاني اللي كيهم دعم الاقتصاد التضامني والاجتماعي كنلقاوا الصناعة التقليدية حاضرة بثلاثة ديال المشاريع، والخدمات حاضرة بثلاثة ديال المشاريع كذلك، والتجارة بمشروع واحد، وأخيرا الفلاحة حتى هي بمشروع واحد.