مناضل حقوق الإنسان قدام البرلمان جاتو تصرفيقة من نيويورك

تكتب نهار 12 يناير، 2020 مع 11:55 في الواجهة تابعونا على Scoop

كاين شي مناضلين ديال حقوق الإنسان ساكنين قدام البرلمان، كيتسناو أي واحد يعطس باش يرفعوا لافتات النضال..اليوم جاتهم واحد التصرفيقية حايبة من نيويورك..فهاذ البلاد كاين واحد اللجنة سميتها “لجنة حماية الصحفيين”..قامت بتصنيف الدول اللي فيها بزاف القمع للصحفيين..قلبوا بالمنظار ما لقاوش المغرب..دابا يخرجوا يقولوا وا ما عندهاش مصداقية..

اللجنة اللي تكلمنا عليها عندها مصداقية كبيرة في العالم..وكتعتامد على معايير مضبوطة..وما سوقهاش فشي صحفي تشد لأنه كيغتاصب النساء ولا شي صحفية مشات تطيح بنادم من كرشها..شغلها الصحفي من اللي كيقوم بمهمتو وتقوم الدولة ديالو تعتاقلو..

تكلاسات الصين هي الأولى ب48 صحفي قرقبات عليهم المخابرات..وتركيا الديمقراطية بزاف واللي محبوبة عند واحد الصنف ديال المغاربة غير ب47 صحفي..وكاين حتى دول عربية وإسلامية بحال مصر وغيران والسعودية.

ماشي المهم هنا شحال اعتقالوا من واحد…المشكل أنو من اللي كتقوم شي منظمة، حتى لو كانت معروفة باللي كتمول من عند الأعداء، كلشي كيقوم بالتطبيل للتقرير ديالها، من اللي كيكون في صالح المغرب كيولي معندوش مصداقية…هذا هو النضال ديال الجوطية الله يستر.