اسبانيا.. مغربي انتحر بطريقة غريبة وسط نافورة فسرقسطة

تكتب نهار 24 نوفمبر، 2021 مع 11:04 دولي تابعونا على Scoop

انتحر شاب في العشرينيات من عمره يوم الثلاثاء بعد ما طعن راسو بجنوية وسط نافورة فمدينة سرقسطة.

وحسب ما ذكره موقع القناة الخامسة الاسبانية، أن حالة الهياج اللي كان فيها الضحية خلات الناس كيهربو قبل ما يتدخل عناصر البوليس لتهدئته.

وأضاف الموقع ذاته، أن الشاب كان عريان وكيجري فالطريق وقصد ساحة روما ودخل النافورة وبدا كيغوث وقال “الله” وطعن راسو بزاف ديال المرات والبوليس دخلو وخرجوه من الماء وحاولوا يقدمو ليه الاسعافات الضرورية، لكن مات قبل وصول الاسعاف.

وانتشر فيديو سجله شاهد عيان للواقعة عبر موقع التواصل الاجتماعي “تويتر”، گال فيه ان الضحية مغربي وهاذ الشي مازال ما أكدوهش البوليس.