ولد لكرية، اللي سبق ليه دار واحد الأغنية مع جوج شمكارة سميتها عاش الشعب، كان خرج فراس العام بواحد التصريح اللي كيعتابر فيه أن الأغنية عندها معنى مختلف، وداروها باش يعرفو شكون الخاين من الوطني، لكن تبين أن “المحابسي” تسحّر مع الدراري وصبح فاطر بكذبة كبيرة.
قال فهاذ الكذبة باللي راه غير ضحك على الناس ودار ليهم كاميرا كاشي كيفما قال باللي أغنية عاش الشعب مجرد كاميرا كاشي، ويقدر غذا عاود يخرج بشي كاميرا كاشي أخرى.
ولكن اللي كيعرف هاذ اللعب ديال يوتوب غادي يتأكد بسرعة بأن ولد لكرية خاف على راسو من اللي بدات القناة ديالو كتراجع، وكلما تراجعات كتراجع الأموال الطائلة اللي كيدخل واللي كتحسب بالملايين.
ولد لكرية حرضو لزعر وخلعو مزيان باللي إلى ما تراجعش على كلامو غادين يضيعو وما يبقى يسمع ليهم حد وما يبقاو يدخلو حتى ريال. ولهذا قام ولد لكرية بالتراجع على كلامو السابق.
