كريستيانو رونالدو تحول من القصر ديالو اللي كان فيه لقصر آخر ثاني بعدما دوز في اللول جوج سيمانات، بسباب النعاج اللي كيصبحو سارحين حداه وكيصدعوه بأصواتهم.
جورنال “ديلي ميل” البريطاني قال أن المهاجم البرتغالي، اللي رجع مؤخرا لنادي مانشستر يونايتد، تحول من القصر اللي فيه 7 بيوت في تشيشاير لقصر ثاني ديال صاحبو، نجم مانشستر يونايتد السابق أندرو كول.
رونالدو تحول هو وعائلتو باش يضمن راحتو، حيت كيبغي ينعس مزيان ويصبح أونفورم ويكون بعيد على أي حاجة تبرزطو.
