انتخابات 8 شتنبر.. دابا بقا لينا نعرفو غير شكون غادي يقود الحكومة

تكتب نهار 10 سبتمبر، 2021 مع 11:35 مجتمع تابعونا على Scoop

ببيان وزارة الداخلية البارح اللي علنات فيه النتائج النهائية للانتخابات التشريعية والبلدية والجهوية واللي عطات فوز كبير للتجمع الوطني للاحرار ب102 مقعد فمجلس النواب و9995 فمجالس الجماعات والمقاطعات٬ تكون سالات اخر مراحل اعلان النتائج.

دابا بعد الاعلان النهائي يمكن لجلالة الملك يكلف فاي وقت بغى باعتماد الفصل 47 من الدستور٬ رئيس الحكومة من الحزب الفائز اللي هو التجمع الوطني للاحرار. غادي يكون من العبث تعيين سياسي اخر من هاد الحزب من غير السياسي اللي حلق بحزبو عاليا ودكدك البي جي دي وربح رباح واعر اللي هو رئيس الحزب عزيز اخنوش.

اللي وقع نهار لاربعا فالانتخابات كيفرض الاسراع فتعيين رئيس الحكومة باش يشكل اغلبيتو. لمغاربة بغاو الخدمة تبدا اليوم قبل غدا. بغاو يشوفو حكومة فاقرب وقت.