المغاربة من أكثر الأجانب اللي شراو الديور فإسبانيا

تكتب نهار 31 أغسطس، 2021 مع 12:16 دولي تابعونا على Scoop

سوق العقار كيتحسن شوية بشوية من آثار جائحة كورونا فاسبانيا، لكن رغم الأزمة، المغاربة المقيمين تماك هما من بين الأجانب اللي استاطعوا يشريو المزيد من الديور.

فالربع الثاني، من بين الأجانب كيتعتبرو البريطانيين هوما اللي شراو اكبر قدر من المنازل فالصبليون، بنسبة 9,5 فالمية، واخا هذ النسبة طايحة عندهم بالمقارنة مع بداية العام (12,11 فالمية)، كيجيو بعدهوم الالمانيين ب9 فالمية، والمغاربة فالمركز الثالث ب8,3 فالمية، والفرنسيين ب7 فالمية، والرومانيين ب6,1 فالمية.

وجزر البليار وجزر الكناري هوما البلايص اللي شراو فيها الأجانب بزاف، بنسب 29.8 فالمية و23.9 فالمية على التوالي.

وحسب تحليل لاتجاه السوق بين ابريل ويونيو اللي فاتو، كيبين استحواذ الأجانب على 10 فالمية من المعاملات، من 9,7 فالمية اللي تسجلات فالربع الأول، مع زيادة فالقيم المطلقة (13 ألف و600 معاملة مقابل 12 ألف و200 معاملة فالثلث شهور الأولى من العام).