نمر هجم على مانكان فشوتينك كان غيقتلها

تحول شوتينكَ لحادثة مأساوية فألمانيا لأن النمر اللي كانت كتصور معاه العارضة قلب وجهو وهاجمها.

البوليس فتحو تحقيق مع مولاتو اللي عندها 48 عام للاشتباه فيها بأنها ماقابلاتوش وما رداتش ليه البال وتسببات للمانكان في ضرر جسدي ونفسي كبير.

المانكان، واللي سميتها “جيسيكا ليدولف” (Jessica Leidolph) وعندها 36 عام، هزوها ديريكت في إيليكوبتر ودخلات الكلينيك باش تتعالج حيت حالتها صعيبة شوية.

الحادثة وقعات فملجأ للحيوانات فـ مدينة ” نيبرا” (Nebra) التابعة لولاية ساكسونيا أنهالت (Saxony-Anhalt).