قائد المنتخب المغربي أكد أن الماتش ديال ليكيب ناسيونال ضد منتخب البيرو بمدريد ماكانش ساهل، وأن المباراة كانت فيها مجموعة من الإيجابيات بالرغم من انها سالات بالتعادل السلبي زيرو لزيرو.
وقال غانم سايس فتصريح له بعد ماتش المغرب والبيرو: “الماتش كان صعيب بحال كل المباريات اللي كتكون ضد منتخبات أمريكا الجنوبية”.
وأضاف سايس: “دخلنا مزيان فالماتش ولكن كانت شي فترات معقدة وكان علينا نصبروا فيها، والمهم راه كانوا شي نقاط إيجابية خلال المواجهة والأهم هو نخدمو خصوصا على الهجوم باش نوليو نماركيو فبحال هذه الماتشات”.
