حجز 22 طن ديال الحشيش مخبية فمطيشة مهربة من المغرب لمالاگا

تكتب نهار 23 يناير، 2023 مع 13:02 دولي تابعونا على Scoop

حجزت الشرطة الوطنية والحرس المدني فمالاگا أكثر من 22 طن من الحشيش المهرب من المغرب بقيمة 45 مليون أورو، قبل نقلها برا إلى التراب الفرنسي.

مواقع إسبانية قالت، بأن هاذ الكمية الكبيرة ديال الحشيش كانت معبأة فصنادق ديال الطماطم المزيفة.

وحسب المصادر ذاتها، تم العثور على كاميو صغير فمدينة مالاگا فيه تقريبا 2600 كيلوغرام من الحشيش مخزنة فصنادق من الطماطم المزيفة، وبعد تحريات ومداهمات بالمنطقة الصناعية فمولينا، تم حجز 19700 كيلوغرام من راتنج القنب، وتم تقدير الكمية الإجمالية بـ 22370 كيلوغرام من المخدرات بـ 45 مليون يورو، حسب صحيفة لا أوبينيون دي مالاگا.

وجرى اعتقال 10 أشخاص خلال هاد العملية اللي تنفذات فـ 10 يناير الجاري، كلهم كينتميو لمنظمة إجرامية كتنشط فتهريب المخدرات بين إسبانيا وفرنسا وعندها موارد بشرية وتقنية ومالية وكتخدم تحت غطاء شركة تجارية مشكلة بشكل قانوني.