ها علاش قرقبو على بصيرو واللي قالت مراتو كذوب

تكتب نهار 28 يناير، 2020 مع 22:43 في الواجهة تابعونا على Scoop

 

البارح الاثنين قرقبات الشرطة بمدينة سطات، على واحد الشخص معروف في الفيسبوك سميتو رشيد طاهيري، ومعروف ببصيرو، وتم التوقيف ديالو بناء على شكاية تقدمات بها جمعيات مدنية كتاهمو بالسب والقذف في حق الأشخاص والمؤسسات.

لكن مراتو دلات بواحد التصريح عامر كذوب، وقالت باللي أنه تم اعتقالو لحقاش كيقول الحق وكيطالب بحق المغاربة في الصحة والتعليم..وهنا باين لكذوب عاين باين، لأن السب والقذف تهم كيعاقب عليها القانون.

ونسات مراتو ما قالتش باللي راه الوكيل العام ديال محكمة سكات حتى هو صادر فحقو تعليمات توقيف لأنو بان فواحد الشريط كيزدري العلم الوطني وكيحتاقرو.

دخلنا لصفحتو للفيسبوك ولقينا شي حد واضع بوست تيقول فيه “اعتقال بصيرو”، ولقينا التعليقات كلها ضدو..من قبيل “لا يعذر أحد بجهله للقانون” و”القانون فوق الجميع” و”لابد انه دار شيحاجة لي أدت للاعتقال ديالو ماشي انتقاد الصحة والتعليم هما السبب” و”لي دار ذنب يستاهل العقوبة” و”النضال من اجل جمع المال على ظهر المواطنين بواسطة الفايسبوك”.