الراپور الميريكاني “ليل أوزي” أول واحد غايشري كوكب فـ التاريخ – تغريدة

تكتب نهار 29 يوليو، 2021 مع 13:49 في الواجهة تابعونا على Scoop

علنات المغنية الكندية “كلير بوشي” (Claire Boucher) المعروفة بسمية “كَرايمس” (Grimes) أن الراپور الميريكاني “ليل أوزي ڤيرت” (Lil Uzi Vert) غادي يشري كوكب فضائي وغايولي أول إنسان عندو كوكب في التاريخ، وفق إذاعة “مونتي كارلو” الدولية.

الكوكب سميتو “WASP-12b”، كاين على بعد 870 سنة ضوئية على الشمس و522.6 سنة ضوئية من كوكب الأرض ضمن ما يعرف بـ”كوكبة الأعنّة”.

المعلومات الأولية كاتقول أن الكوكب فيه كميات كبيرة من المعادن المتنوعة وربما حتى الماء وهو أمر نادر.

الراپور جاوب على تويت “كَرايمس”، اللي هي شريكة الملياردير “إلون ماسك” ومامات واحد من ولادو، وقال “حاولت نفاجئ الناس”. لكن “كَرايمس” جاوباتو “الوراق الرسمية كملات تقريباً باش يولي ليل أوزي ڤيرت أول إنسان عندو كوكب”.