قبل أيام قليلة على البدية ديال الموسم الجديد من الدوري الفرنسي، اللاعب البرازيلي نيمار بان غليض فتصاور جداد ليه وهو فعطلة فالبحر، وبانت عندو كرش كبيرة.
وحسب راديو “مونتي كارلو”، فإن مشجعي “پاريس سان جرمان” قلقون من صور لاعب الفريق، اللي انتقل للنادي فصيف عام 2017 مقابل 222 مليون أورو، وهادي كانت أكبر صفقة بتاريخ كرة القدم، وكاين فيهم بزاف شبعو فيه ضحك وتنمر.
المشجعين قارنوا بين مظهر “نيمار” واللاعب البرازيلي المعتزل “رونالدو”، اللي غلاض بزاف فاللخر ديال مسيرتو الكروية، وعلقو بزاف أن “نيمار” يمكن يلتاحق بيه واخا عمرو غير 29 عام دبا.
فالمقابل، تقارير صحفية فرنسية قالت أنه من المحتمل ماياخدش نيمار بزاف ديال الوقت باش يرجع لاطاي ديالو لقديمة ويتخلص من الكيلوات الزايدة، فاش تسالي العطلة ديالو ويرجع لتيران “پارك دي پرانس” مرة أخرى.
