مواطن صبليوني مشى سلم راسو للبوليس فبرشلونة، وخبرهم انه قتل شريكتو فالسكن، وملي شافو الضوصي ديالو لقاوه عندو سوابق فالعنف مع النسا.
المتهم قال للبوليس انه قتل الضحية وخباها فوسط الدار، وتاكدو البوليس ملي لقاو ان الضحية كمبحوث عليها من ايام من طرف اصدقائها لي مابقاتش كتجاوبهوم.
المتهم رفض انه يمشي مع البوليس للشقة، ومشى معاهم المحامي ديالو، ولقاو الضحية المغربية بدات كتتحلل، حيث قتلها يوم الاثنين وخبع جثتها، وملي مابقاش قادر يصبر مشى سلم راسو هاد الصباح.
