استغلات نجمة “تيك توك” سميتها “That Girl lay lay”، بنت كيم كاردشيان “نورث North” باش تروج لأغنية جديدة حطاتها في صفحاتها على مواقع التواصل الاجتماعي.
القصة وما فيها أن كيم كانت عرضات على نجمة “تيك توك” المذكورة هادي عامين لدارها، وبحسن نية أولا لا، تصورات كاتشطح مع نورث بنت كاردشيان، وبقات مخبية الفيديو هاد المدة كاملة قبل ما تبدا تنشرو وتروج به لأغنيتها في موقع “تيك توك”.
البنت اللي مازال صغيرة دارت پوسط في انستكَرام كاتقول أن كيم صيفطات ليها ميساج وقالت ليها تمسح الفيديو، في المقابل خرجات المديرة التنفيذية ديال شركة كيم وقالت أنها هي اللي دوات مع الوالد ديال البنت اللي روجات الفيديو، وشرحات ليه مباشرة أن هادشي استغلال وخايب و يقدر يسبب مساكل لبنتو.
ووضحات “عيطنا للبنت باش تلعب ودوز وقت زوين مع نورث في دار كيم ماشي باش تصورها فـ فيديو وتخبيه لمدة وتبدا نت بعد تروج بيه لراسها”.
