راجل ومراتو نتاحرو بجوج حيت مايقدروش يعيشو بلا بعضياتهم

تكتب نهار 4 يوليو، 2021 مع 18:18 عيون سكوب تابعونا على Scoop

كشف الجورنال البريطاني “ديلي ميل Daily Mail” على قصة بحال ديال الخيال بعدما انتاحر راجل ومراتو كانو خدامين بجوج في الجيش.

الكوبل “ديبورا ماك كَينيس”  (49 عام) و “بيتر” (54 عام) لقاوهم البوليس وسط الطوموبيل ديالهم، ومعاهم ورقة مكتوب فيها “مايقدرش شي واحد فينا يعيش بلا لاخور” (Neither of us can be without the other).

التحريات كشفات أن الراجل كان عندو اكتئاب ونوبات قلق وذعر بعدما رجع من الجيش في العراق، وكانت مراتو فيها الكونصير وتشافات قبل أشهر.

ف المقابل قالو عدد من صاحبهم أن الكوبل كانو فرحانين و ناشطين نهار قبل هاد المأساة. بان هادشي فـ الحفلة اللي داروها فدارهم بمنطقة Kingston-Upon-Thames جنوب غرب لندن، وعرضو ليها صحابهم.

واختارو ينتاحرو باش يموتو بجوج بلا ما يبقى شي واحد فيهم عايش مورا لاخور.