كشفات دراسة جديدة، داروها باحثين في جامعة كولومبيا الأمريكية، أن الستريس و التوتر كايخلي الشيب يخرج دغيا فـ شعر الراس عند الشباب.
ووضحات الدراسة أن الشيب عمرو ماكان مرتابط بالعمر ديال الشخص ولكن كايبقا الستريس واحد من العوامل الكبيرة اللي كاتخليه يبان دغيا.
الناس اللي شملاتهم الدراسة كانو من أعمار مختلفة وأكبرهم عندو 65 عام، و أكدو أن الشيب بان فالشعر ديالهم من بعدما دازو من أزمة نفسية.
الشعر الرمادي كايخرج لأن الجسم في حالة الستريس كايتوقف على انتاج خلايا الميلانين تالي كاتعطي للشعر اللون ديالو الأصلي.
