عدد المصحات الخاصة اللي تحلات سنة 2020، هو 44 مصحة خاصة
الغريب فهاد الاستثمارات الخاصة فقطاع الصحة، هو أنه حتى حد مامشاش يستثمر فالمناطق المهمشة، واغلب هاد 44 مصحة كلها فمحور كازا الرباط وطنجة وفاس ومراكش.
فعز ازمة كورونا، ضربو الفلوس، ودارو استثمارات جديدة. وطبعا استغلو القوانين اللي كتخليهم يستثمر في اي بلاصة.
دبا توجه الدولة هو ان الاستثمارات توزع بشكل عادل بين الجهات، وهنا جا قانون مزاولة مهنة الطب بالنسبة للأجانب، وغادي يخلي مستثمرين اجانب يدخلو ويستثمرو فمناطق نائية.
بالارقام، 70 في المائة من المغاربة كيتعالجو فالقطاع الخاص في حين يتكلف القطاع العام بـ30 في المائة، لذلك هادو غايكونو ضد هاد المشروع خصوصا فيه تحرير الاستثمارات وغادي يخليونا نشوفو طبيب مريكاني ولا سعودي ولا روسي ولا تركي يستثمر فزاكورة وطاطا وابي جعد واسا وغيرها من المناطق المهمشة، وممكن نشوفو خدمات زوينة بأثمنة مناسبة.
ناس بغات التعريفة ديال العلاج تبدل، وديال الدوا، هادو مصو دم المغاربة بزاف.
