قدرات عناصر الأمن الوطني فميناء طنجة المتوسط، نهار الخميس، تحبط محاولة تهريب غير قانوني لأدوية مصنوعة من مواد مخدرة خاضعة للمراقبة الدولية.
وحسب مصادر إعلامية، عملية المراقبة اللي دارتها الشرطة على 3 حاويات فالباخرة جاية من دولة آسيوية ومتجهة لغرب إفريقيا، مكنات من حجز 2609 علبة كبيرة ديال دواء فيه مواد مخدرة خاضعة للمراقبة الدولية.
المصادر زادت أن الكمية المحجوزة وصلات لـ521 ألف و800 قنينة من هاد الدوا، اللي تزوروا فبيانات الشحنات وقدمو تصاريح مضللة على أساس أن البضاعة هي معدات كهربائية وماشي أدوية فيها مواد مخدرة.
عناصر الشرطة العلمية خذات عينات من المواد المحجوزة باش ترسلهم للمختبر الوطني للشرطة العلمية والتقنية باش يديرو عليهم الخبرة.
وبالتوازي مع هاد العملية، الشرطة القضائية فتحات تحقيق تحت إشراف النيابة العامة باش تعرف المتورطين فهاد التهريب وتكشف المسالك والوجهات ديال الشحنات المهربة، بالتنسيق مع مكاتب “أنتربول” فالبلدان اللي كانت داخلة فمسار الرحلة.
