تمكنت عناصر الدرك الملكي فشفشاون من اعتقال المتورطين فحادث إطلاق النار اللي وقع فمدشر تيسوكة بجماعة باب تازة، واللي تسبب فإصابة 4 أشخاص بجروح متفاوتة الخطورة، العملية الأمنية تمت البارح الثلاثاء، بعد أقل من 24 ساعة بعد وقوع الحادث.
وحسب مصادر إعلامية، التحقيقات اللي دارتها مصالح الدرك الملكي بتوجيه من النيابة العامة، قدرو يحددو هوية جميع المتورطين، من بعد بحث دقيق، تمكنو يحددو موقع جوج من المشتبه فيهم واعتقالهم عن طريق كمين محكم، المعتقلين هما الفاعل الرئيسي وأحد شركائه، والبحث باقي مستمر باش يعتاقلو الباقي.
الحادثة وقعات فدوار تسوكة، حيث تعرضو أب وابنه لاعتداء مسلح، بعد ما أطلق مجهولين الرصاص عليهم من بندقية صيد، وهربو.
هاد الاعتداء المسلح عندو علاقة بالصراع فبيئة تجارة المخدرات، وهذا اللي خلاه يوصل لاستخدام الأسلحة النارية والكلاب الشرسة.
المصادر كتقول أن هاد النوع من الحوادث ولا متكرر فالمنطقة بسبب التوترات بين تجار المخدرات اللي كيتنافسو على السيطرة والنفوذ.
