أوقفت الشرطة القضائية فمدينة آسفي، أول أمس الأحد (1 شتنبر)، ثلاثة خوت للاشتباه فالتورط ديالهم فواحد الجريمة ديال القتل.
وحسب مصادر محلية، الواقعة وقعات فواحد الحي الشعبي فآسفي، ملي دخلوا الخوت الثلاثة فشجار مع واحد الشاب، وتطور الأمر حتى تحول لجريمة قتل بعدما تلقى الضحية طعنات بالسكين.
ووفق نفس المصادر، الشجار سبابو كان الضحية اللي خدام حلاق كان مع شي بنت، وهذا هو اللي خلى الأمور تشعل بيناتهم.
الضحية توفى فبلاصتو متأثر بالجروح ديالو، وتم نقله لمستودع الأموات فمستشفى محمد الخامس بآسفي.
البوليس بداو تحقيق عاجل باش يعرفو التفاصيل والملابسات ديال هاد الحادث، ووقفو المتهمين.
