نهار الاثنين، عاش دوار الزاوية فجماعة أكلو بإقليم تزنيت واحد الفاجعة، ماتوا فيها 3 أشخاص خنقاً داخل مطفية ديال الماء.
وحسب المصادر الإعلامية، القصة بدات ملي صاحب الدار قرر ينزل للمطفية باش ينقيها من الطين، ولكن تعرّض للاختناق وتوفى.
من بعد تدخلات الوقاية المدنية باش يخرجوا الجثة ديالو، وزادوا هبطوا للمطفية، حتى هوما تعرّضوا للاختناق، وماتو بجوج.
تم نقل جثث الضحايا الثلاثة لمستودع الأموات، والشخص الرابع اللي حاول يعاون تلقى الإسعافات اللازمة، وسط جو من الحزن والأسى اللي خيّم على سكان الدوار.
