مكونات فريق إشبيلية الإسباني فرحانين بزاف بالاستقبال اللي لقاوه فالمغرب مؤخرا، بمناسبة الماتش اللي لعبوه مع سبورتينگ الدار البيضاء.
وعبرات مكونات فريق إشبيلية عبر صفحاتهم فمواقع التواصل الاجتماعي على فرحتهم بالرحلة اللي داروها للمغرب، وخصوصا للدار البيضاء، باش يواجهو سبورتينگ كازا، وكيشكروا بزاف على الترحيب الكبير اللي استقبلوهم بيه المغاربة.
من بين الحوايج اللي بينات ترحيب المغاربة بفريق إشبيلية النسوي ومعهم اللاعبة الدولية المغربية فاطمة تاگناوت، هو إهداءهم “القميص” المغربي التقليدي ولبسوه ليهم، وهادشي فرح اللاعبات بزاف وبارطاجاو تصاورهم على مواقع التواصل الاجتماعي.
